Ftit sekondi ‘l bogħod mill-ewwel tliet punti

Gladiators Futsal Team vs AC Trampi – 6/11/2010 – 3-2

Il-logħba kontra Gladiators kienet waħda kruċjali għal AC Trampi. Wara l-wirja negattiva kontra Head Hunters FC, fil-logħba tas-Sibt AC Trampi riedu jerġgħu jsibu l-prestazzjoni u eventwalment l-ewwel rebħa. Il-prestazzjoni waslet. It-tim kien preżenti matul il-logħba kollha b'azzjonijiet sbieħ ta' Futsal. Sfortunament ir-rebħha ma waslitx għal ftit sekondi. Forsi riżultat tad-dro kien ikun aktar xieraq minħabba li fit-tieni taqsima Gladiators żiedu fil-prestazzjoni tagħhom. Anke riżultat favur AC Trampi ma kienx ikun wieħed qarrieqi iżda fl-aħħar mill-aħħar jgħodd min jiskurja l-aktar u dan irnexxielhom jagħmluh Gladiators. AC Trampi pattew bil-qares in-nuqqas li jiffinaliżżaw id-diversi azzjoniet li ħolqu. Min-naħa l-oħra d-difiża ta' AC Trampi ħadmet sew fejn spikkat is-saħħa u l-agoniżmu ta' Conrad Dimech, Joseph Mifsud u Chris Formosa (il-captain tal-bieraħ).

Fl-ewwel għaxar minuti AC Trampi ħolqu diversi azzjonijiet sbieħ ta' one twos li biss ma rnexxielhomx jiskurjaw f'azzjoniet minnhom anke sfortunati, eżempju il-ballun ta' Steve Falzon li għadda eżatt iħakkek mal-lasta fuq in-naħa ta' barra. Gladiators kienu aktar konkreti u mal-ewwel attakk fl-10 minuta marru fil-vantaġġ, fejn anke Wayne Dimech kien sfortunat li żelaq il-ballun minn idu. Steve Falzon iġib id-dro fl-14-il minuta. AC Trampi setgħu imorru fil-vantaġġ ftit sekondi wara minn penalty gwadanjat minn Steve Falzon. Formosa kien sfortunat li l-penalty jaħbat ma' wiċċ il-gowler avversarju.

Fit-tielet minuta tat-tieni taqsima Chris Formosa jagħmel azzjoni kollha personali. L-ewwel ix-xutt tiegħu jiġi salvat u fuq l-istess azzjoni jirkupra l-ballun li Gladiators ħarbu fuq kontrattakk. Conrad Dimech poġġa lil AC Trampi fis-6 minuta meta kien f'pożizzjoni tajba f'azzjoni ta' throw in. Fil-bqija tat-taqisma Gladiators żiedu fil-prestazzjoni iżda AC Trampi kienu kapaċi jilqgħu l-attakki. Il-gowler ta' Gladiators u l-lasta salvaw diversi drabi ir-riżultat għal Gladiators. Id-drama għal AC Trampi bdiet fit-23 minuta. Il-gowl tad-dro ta' Gladiators żviluppa minn freekick li għadda minn bejn il-barriera u ftit sekondi wara wasal ukoll it-tielet gowl f'wieħed mill-uniċi żbalji tad-difiża ta' Trampi.

AC Trampi iridu jkomplu jaħdmu fuq il-ħafna pożittiv tal-logħba tas-Sibt u jkunu aktar effettivi taħt il-lasta.

minn Adrian Zahra

AC Trampi fi kriżi ta’ logħob

Head Hunters FC vs AC Trampi – 1/11/2010 – 5-3

Il-logħba bejn Head Hunters FC u AC Trampi bdiet fuq nota pjuttost pożittiva għal AC Trampi fejn f'temp ta' tliet minuti Justin, Chris u Conrad kienu viċin tal-gowl fi tliet azzjonijiet separati. Sfortunatament aktar ma beda jgħaddi l-ħin it-tim beda jintilef u ftit beda jsegwi l-istruzzjonijiet li kien ta l-kowċ, qabel u waqt il-logħba. Dan irriżulta fl-ewwel gowl għal Head Hunters FC fejn wara li l-freekick ta' David Magri jaħbat mal-barriera, it-tim jaħrab fuq kontrattakk u jasal il-gowl ta' vantaġġ. Steve Xuereb għal diversi drabi kellu jsalva l-lasta ta' AC Trampi biex ma jasalx it-tieni gowl fejn plejers ta' Head Hunters FC bdew jaslu waħedhom quddiem il-lasta. Ftit tamiet feġġew bil-gowl ta' Justin Psaila li kien qiegħed tajjeb fuq it-tieni lasta fl-għotja ta' corner.

It-tieni taqisma kompliet minn fejn spiċċat l-ewwel taqsima b'diversi kontrattakki ta' Head Hunters FC. Fit-tielet minuta Head Hunters jerġgħu jmorru fil-vantaġġ wara li skurjaw penalty. Steve Xuereb f'tentattiv li jwaqqaf il-plejer avversarju jieħu saqajh minflok il-ballun bir-referees jagħtu l-penalty. L-azzjonijiet ta' AC Trampi kienu iżolati fejn kultant kienu anke sbieħ u elaborati bejn diversi plejers. Il-gowl tad-dro minn Chris Formosa jasal wara azzjoni konvulsa fejn il-gowler ta' Head Hunters FC isalva tliet darbiet konsekuttivi il-lasta. Fit-13 u l-15-il minuta iż-żewġ timijiet jirrispondu lil xuxlin b'żewġ gowls fi żmien ta' 2 minuti. Il-gowl ta' AC Trampi jerġa jasal minn Chris Formosa. L-aħħar ħames minuti kienu drammatiċi. Ir-raba' gowl ta' Head Hunters FC jerġa jasal minn kontrattakk ieħor fejn wara li Steve Xuereb jippanċja, Steve Falzon bl-aktar mod sfortunat, wara li nieżel lura biex jiddefendi l-kontrattakk, jitfa l-ballun fil-lasta tiegħu stess. Id-drama tkompli meta Wayne Dimech, li kien biddel lil Steve Xuereb biex iservi bħala l-ħames plejer, inqabad barra u minn nofs il-grawnd jasal il-ħames gowl.

Din il-ġimgħa mhux ħa tkun waħda faċli għal AC Trampi. Soluzzjonijiet iridu jinstabu malajr minħabba li nhar is-Sibt jerggħu jirritornaw fl-azzjoni kontra Gladiators Futsal Club. Nistennew u naraw.

L-ewwel punt tal-istaġun akkwistat kontra New Team Futsal Club

New Team Futsal Club vs AC Trampi – 13/10/2010 – 2-2

Wara d-dro emozzjonanti ta' erbgħa b'erbgħa ta' Frar tas-sena l-oħra, New Team u AC Trampi jergġħu jispiċċaw dro, din id-darba bl-iskor ta' tnejn bi tnejn. Il-logħba tat-Tlieta li għadda żgurissmu ma kelliex l-emozzjoni tal-logħba tas-sena l-oħra speċjalement fit-tieni taqsima fejn l-aħħar għaxar minuti kienu neqsin minn azzjonijiet denji ta' nota.

Il-punti pożittivi għal AC Trampi intwerew fl-ewwel taqsima fejn il-plejers kollha li daħlu segwew l-istruzzjonijiet tal-coaches. Tattikament il-plejers kienu ħafna aħjar mil-logħba kontra l-Fugazi5 u għal ħin twil urew logħob ta' Futsal sabiħ. Kienu f'dawn il-ħinijiet fejn AC Trampi kienu aħjar fil-grawd mit-tim avversarju u marru żewġ gowls minn fuq. Fl-aħħar ħames minuti tal-ewwel taqsima u l-ewwel minuti tat-tieni taqsima New Team bdew iżidu l-pressjoni u dan wassal għaż-żewġ gowls tad-dro. F'dawn il-ħinijiet AC Trampi dehru pjuttost mifxulin u plejers individwali bdew jippruvaw issolvu l-logħba. Iżda bil-mod il-mod it-tim beda jerġa jsib il-pożizzjoni fil-grawnd u l-logħob reġa beda ġej. Sfortunament, imma l-gowl tar-rebħa ma wasalx.

Il-protagonisti għal AC Trampi kienu ż-żewġ Steves. Steve Falzon, apparti l-ewwel gowl fit-tlettax-il minuta, kien protagonist ta' diversi kontra attakki. Wieħed minn dawn il-kontrattakki wassal għat-tieni gowl minn Justin Psaila. Fit-tieni taqsima Falzon reġa kien viċin għall-gowl imma l-ballun imur bi ftit barra. Fis-7 minuta tat-tieni taqsima Falzon reġa prova xortih minn nofs il-grawnd bil-ballun jerġa jmur barra. Fit-tieni minuta tat-tieni taqsima ta' min ukoll jinnota ċ-ċans li kellu Chris Formosa, biss l-istess bħall-azzjonijiet l-oħra l-ballun jaddi ftit 'il bogħod mil-lasta.

Steven Xuereb min-naħa l-oħra salva l-lasta ta' AC Trampi diversi drabi. Fit-23 minuta tal-ewwel taqsima Xuereb irnexxielu jibblokka l-ballun meta plejer ta' New Team ġie waħdu quddiemu. Fit-tieni taqsima reġa rrepeta ruħu b'żewġ saves tajbin konsekuttivi fl-istess azzjoni.

Apparti ż-żewġ gowls, New Team laqtu l-lasta darbtejn fl-aħħar ħames minuti tal-ewwel taqsima.

Mill-azzjonijiet murija id-dro kien xieraq għaż-żewġ timijiet.

minn Adrian Zahra

Mid-Djarju tal-Captain ta Trampi (25)

Trampi ma ibiddlux l-istorja

Bhal-ahhar 5 staguni, Trampi jifthu l-istagun 2010-2011 b'telfa! Din id-darba l-iskor kien dak ta 4-3 ghat-tim tal-Fugazi 5. Loghba li bdiet fuq nota tajba ghalina meta konna fil-kontroll tal-loghob ghal-ewwel ftit minuti fejn ukoll morna fil-vantagg permess ta Justin 'Pato' Psaila. Izda imbghad gara li tlifna kull sens ta loghob ghal xi raguni jew ohra. Dan wassal biex il-Fugazi jeqilbu ir-rizultat ghal dak ta 3-1 favurihom. Minn hemm ma konnix kapaci nergghu inqumu u ghalxejn skurja darbtejn Steve 'il-Fenomeno' Falzon, li kien qed jghamel ir-ritorn tieghu ma Trampi, ghax f'nofshom kien hemm ir-raba' gowl tal-Fugazi. Ta min jghid ukoll li f'din il-loghba kien qed jiddebutta bil-flokk isfar ta Trampi Joseph 'Fiorello' Mifsud.

Din it-telfa kienet siewja hafna ghalina ghax fethitilna ghajnejna fuq l-izbalji li bdejna nghamlu. Fosthom li bdejna inharsu il-boghod u mhux nahsbu loghba b'loghba. Infatti wara il-loghba iltqajna il-players flimkien biex mill-ewwel niehdu il-passi mehtiega halli ma nghamlux bhal-ahhar staguni fejn konna qeghdin totalment nitilfu (jew ahjar nghidu ma nilghabux) l-ewwel rawnd!!

Sadanittant il-preparamenti ghal-loghba li imiss ghadhom ghaddejjin bis-shih. Sezzjonijiet ta tahrig fuq tattika flimkien ma loghob ta hbiberija. L-ahhar loghba ratna niltaqghu mat-tim tat-tieni divizjoni Kerygma. L-isbah mument tal-loghba min-naha taghna kien il-gowl spettakolari ta Chris 'il-Cecchino' Formosa!! Gowl tajjeb ghal fuq l-album ta l-istikers tal-panini, li b'rovexxata tal-genn tefa' il-ballun brimba kwieta kienet qeghdha tghamel l-ghanqbuta taghha!! Prosit siehbi J

B'ferh kbir nilqghu lura fostna lil Sarah 'Capo Ultras' Pace li giet lura Malta wara sitt xhur volontarjat go Spanja. Merhba lura mit-tim kollu ta A.C. Trampi!! Dan ifisser li se jibda ikun hemm aktar storbju go Kordin!!


Nixtieq nifrah ukoll lill-plejers Wayne 'Uomo Ragno' Dimech, Conrad 'Conimex Special' Dimech, Joseph 'Fiorello' Mifsud u Rodney 'Scheggia' Bugeja li ilkoll ghandhom gheluq sninhom f'dawn il-granet. Awguri lilkom ilkoll l-ahwa, ejjew ha niccelebraw flimkien war ail-loghba li imiss.

Minn hawn niehu l-ispunt nistieden lis-sapporters taghna jergghu ikunu maghna ghal-loghba man-New Team nhar it-Tlieta 12 t'Ottubru fit-8:15!

Ippermettuli nghalaq billi nawgura lil Steve 'il-Fenomeno' Falzon u lit-tfajla tieghu Audrey-Ann Vella li nhar is-Sibt 9 t'Ottubru se jinghaqdu fis-sagrament taz-zwieg! J'Alla ikollkom hajja twila flimkien imbierka bit-tfal li jghogbu jibghatilkom il-Mulej!! Ghamlu hafna subien ha nifthu Trampi Nursery :p

Bhal dejjem

FORZA TRAMPI
il-CaPiTaNo