L-ewwel punt tal-istaġun akkwistat kontra New Team Futsal Club

New Team Futsal Club vs AC Trampi – 13/10/2010 – 2-2

Wara d-dro emozzjonanti ta' erbgħa b'erbgħa ta' Frar tas-sena l-oħra, New Team u AC Trampi jergġħu jispiċċaw dro, din id-darba bl-iskor ta' tnejn bi tnejn. Il-logħba tat-Tlieta li għadda żgurissmu ma kelliex l-emozzjoni tal-logħba tas-sena l-oħra speċjalement fit-tieni taqsima fejn l-aħħar għaxar minuti kienu neqsin minn azzjonijiet denji ta' nota.

Il-punti pożittivi għal AC Trampi intwerew fl-ewwel taqsima fejn il-plejers kollha li daħlu segwew l-istruzzjonijiet tal-coaches. Tattikament il-plejers kienu ħafna aħjar mil-logħba kontra l-Fugazi5 u għal ħin twil urew logħob ta' Futsal sabiħ. Kienu f'dawn il-ħinijiet fejn AC Trampi kienu aħjar fil-grawd mit-tim avversarju u marru żewġ gowls minn fuq. Fl-aħħar ħames minuti tal-ewwel taqsima u l-ewwel minuti tat-tieni taqsima New Team bdew iżidu l-pressjoni u dan wassal għaż-żewġ gowls tad-dro. F'dawn il-ħinijiet AC Trampi dehru pjuttost mifxulin u plejers individwali bdew jippruvaw issolvu l-logħba. Iżda bil-mod il-mod it-tim beda jerġa jsib il-pożizzjoni fil-grawnd u l-logħob reġa beda ġej. Sfortunament, imma l-gowl tar-rebħa ma wasalx.

Il-protagonisti għal AC Trampi kienu ż-żewġ Steves. Steve Falzon, apparti l-ewwel gowl fit-tlettax-il minuta, kien protagonist ta' diversi kontra attakki. Wieħed minn dawn il-kontrattakki wassal għat-tieni gowl minn Justin Psaila. Fit-tieni taqsima Falzon reġa kien viċin għall-gowl imma l-ballun imur bi ftit barra. Fis-7 minuta tat-tieni taqsima Falzon reġa prova xortih minn nofs il-grawnd bil-ballun jerġa jmur barra. Fit-tieni minuta tat-tieni taqsima ta' min ukoll jinnota ċ-ċans li kellu Chris Formosa, biss l-istess bħall-azzjonijiet l-oħra l-ballun jaddi ftit 'il bogħod mil-lasta.

Steven Xuereb min-naħa l-oħra salva l-lasta ta' AC Trampi diversi drabi. Fit-23 minuta tal-ewwel taqsima Xuereb irnexxielu jibblokka l-ballun meta plejer ta' New Team ġie waħdu quddiemu. Fit-tieni taqsima reġa rrepeta ruħu b'żewġ saves tajbin konsekuttivi fl-istess azzjoni.

Apparti ż-żewġ gowls, New Team laqtu l-lasta darbtejn fl-aħħar ħames minuti tal-ewwel taqsima.

Mill-azzjonijiet murija id-dro kien xieraq għaż-żewġ timijiet.

minn Adrian Zahra

Mid-Djarju tal-Captain ta Trampi (25)

Trampi ma ibiddlux l-istorja

Bhal-ahhar 5 staguni, Trampi jifthu l-istagun 2010-2011 b'telfa! Din id-darba l-iskor kien dak ta 4-3 ghat-tim tal-Fugazi 5. Loghba li bdiet fuq nota tajba ghalina meta konna fil-kontroll tal-loghob ghal-ewwel ftit minuti fejn ukoll morna fil-vantagg permess ta Justin 'Pato' Psaila. Izda imbghad gara li tlifna kull sens ta loghob ghal xi raguni jew ohra. Dan wassal biex il-Fugazi jeqilbu ir-rizultat ghal dak ta 3-1 favurihom. Minn hemm ma konnix kapaci nergghu inqumu u ghalxejn skurja darbtejn Steve 'il-Fenomeno' Falzon, li kien qed jghamel ir-ritorn tieghu ma Trampi, ghax f'nofshom kien hemm ir-raba' gowl tal-Fugazi. Ta min jghid ukoll li f'din il-loghba kien qed jiddebutta bil-flokk isfar ta Trampi Joseph 'Fiorello' Mifsud.

Din it-telfa kienet siewja hafna ghalina ghax fethitilna ghajnejna fuq l-izbalji li bdejna nghamlu. Fosthom li bdejna inharsu il-boghod u mhux nahsbu loghba b'loghba. Infatti wara il-loghba iltqajna il-players flimkien biex mill-ewwel niehdu il-passi mehtiega halli ma nghamlux bhal-ahhar staguni fejn konna qeghdin totalment nitilfu (jew ahjar nghidu ma nilghabux) l-ewwel rawnd!!

Sadanittant il-preparamenti ghal-loghba li imiss ghadhom ghaddejjin bis-shih. Sezzjonijiet ta tahrig fuq tattika flimkien ma loghob ta hbiberija. L-ahhar loghba ratna niltaqghu mat-tim tat-tieni divizjoni Kerygma. L-isbah mument tal-loghba min-naha taghna kien il-gowl spettakolari ta Chris 'il-Cecchino' Formosa!! Gowl tajjeb ghal fuq l-album ta l-istikers tal-panini, li b'rovexxata tal-genn tefa' il-ballun brimba kwieta kienet qeghdha tghamel l-ghanqbuta taghha!! Prosit siehbi J

B'ferh kbir nilqghu lura fostna lil Sarah 'Capo Ultras' Pace li giet lura Malta wara sitt xhur volontarjat go Spanja. Merhba lura mit-tim kollu ta A.C. Trampi!! Dan ifisser li se jibda ikun hemm aktar storbju go Kordin!!


Nixtieq nifrah ukoll lill-plejers Wayne 'Uomo Ragno' Dimech, Conrad 'Conimex Special' Dimech, Joseph 'Fiorello' Mifsud u Rodney 'Scheggia' Bugeja li ilkoll ghandhom gheluq sninhom f'dawn il-granet. Awguri lilkom ilkoll l-ahwa, ejjew ha niccelebraw flimkien war ail-loghba li imiss.

Minn hawn niehu l-ispunt nistieden lis-sapporters taghna jergghu ikunu maghna ghal-loghba man-New Team nhar it-Tlieta 12 t'Ottubru fit-8:15!

Ippermettuli nghalaq billi nawgura lil Steve 'il-Fenomeno' Falzon u lit-tfajla tieghu Audrey-Ann Vella li nhar is-Sibt 9 t'Ottubru se jinghaqdu fis-sagrament taz-zwieg! J'Alla ikollkom hajja twila flimkien imbierka bit-tfal li jghogbu jibghatilkom il-Mulej!! Ghamlu hafna subien ha nifthu Trampi Nursery :p

Bhal dejjem

FORZA TRAMPI
il-CaPiTaNo

Debutt deludenti għal AC Trampi

L-ewwel ħruġ għal AC Trampi f'dan l-istaġun sfortunatament ma kienx wieħed pożittiv. Id-debutt ta' Joseph Mifsud u r-ritorn ta' Steve Falzon ma servewx biex tawh l-ewwel rebħa lit-tim. Wara l-wirja pożittiva kontra t-tim tal-ewwel diviżjoni Luxol Amazon Cinco il-moral kien wieħed għoli. Dan kien qed jintwera fl-ewwel minuti tal-logħba fejn anke morna fil-vantaġġ. Justin Psaila wara diversi staġuni jerġa jirrotorna għall-gowl, għalkemm fl-aħħar mill-aħħar ir-ritorn għall-gowl kien wieħed qares. Bil-mod il-mod it-tim beda jitlef is-shape u ma bediex isegwi mal-pjanijiet tatttiċi miftiehma. Dan wassal biex Fugazi5 bdew jippressaw u anke wasal il-gowl tad-dro. Il-coach Renzo Kerr Cumbo beda jbiddel il-plejers iżda ftit dan beda jħalli l-frott mixtieq. Il-gowler Wayne Dimech irnexxielu jsalva gowl magħmul fl-20 minuta. Biss f'temp ta' ftit minuti, fil-21 u fit-23 minuta, Fugazi5 skurjaw it-tieni u t-tielet gowl fejn fiż-żewġ gowls l-element difensiv ma kienx xi wieħed impekkabli. L-ewwel half jispiċċa tlieta b'wieħed għal Fugazi5.

It-tieni half beda minn fejn spiċċa l-ewwel half fejn dak li kien qed jitlob il-kowċ ftit beda jiġi segwit. L-unika element pożittiv kienet il-lasta fis-7 minuta milquta minn Jonathan Sammut wara azzjoni individwali. Steve Falzon fl-istess azzjoni għal ftit ma jirnexxilux jilħaq il-ballun minn fuq is-second pole biex jiskurja t-tieni gowl. Il-kumplament tat-tieni half kompla ftit jew wisq fil-medjokrita. Kien biss fl-aħħar ħames minuti li reġa ħa l-ħajja. Steve Falzon irnexxielu jpoġġi fis-7 it-tieni gowl ta' Trampi minn freekick. Gowl stupend. Dan il-gowl reġa ta l-isperanza lil Trampi. Hawn hekk intwera l-karattru tat-Trampi u kienet l-adrenalina li tat il-kuraġġ biex forsi jinġieb id-draw. Fl-aħħar tliet minuti ġara minn kollox. Trampi għamlu s-6 foul u hawnhekk bdew il-penalties, li sarraf fir-4 gowl għal Fugazi5. Steve Falzon reġa skurja gowl ieħor stupend. Trampi sfurzaw biex iġibu d-dro. Biss Fugazi gwadanjaw penalty ieħor li għalkemm ma skurjawhx għinhom biex iżommu l-ħin favurihom.

X'wassal għal din it-telfa? Forsi l-emozzjoni tal-ewwel logħba? Nuqqas ta' konċentrazzjoni? Moral wisq għoli? Dawn zġur iridu jiġu megħluba fit-tieni logħba fit-12 t'Ottubru kontra n-New Team Futsal. Nistennew u naraw.

minn Adrian Zahra

Mid-Djarju tal-Captain ta' Trampi (24)

Il-Hamis 9 ta Settembru 2010,

Trampi jirbhu l-ewwel edizjoni tal-A.C. Trampi Quadrangular Tournament

Fl-ahhar waslet!! L-ewwel rebha tieghi f'xi kompetizzjoni, u ma stajtx nitlob ghal xi haga ahjar milli nirbah ma Trampi f'tournament b'tims ikkwotati aktar minn taghna!!! Grazzi lill-plejers kollha u il-kowcis li bil-hidma taghna ilkoll giet din ir-rebha J

Mela it-tournament kien milghub fuq tlett ijiem bl-erba' tims jilghabu darba ma kull tim iehor.

L-ewwel gurnata:

Trampi vs Fugazi 5: 4-2

Bidu tajjeb hafna ghalina. Ikolli nghid li kienet loghba li konna fil-kontroll mill-bidu sat-tmiem taghha u irnexxilna noholqu hafna u hafna opportunitajiet ta skor, li sfortunatament ma sfruttajnihomx!! Infatti wara il-loghba kien hemm min ma kienx sodisfatt, u bix-xieraq, bir-rizultat

Todos vs Tal-Werqa: 5-9

Tal-Werqa regghu urew li bhas-sena ta qabel ghadhom tim sod u kumpatt. Ma nistghax nghid l-istess ghat-Todos fejn verament iddizapuntaw f'din il-loghba. L-iskor seta' kien hafna akbar kieku ma kienx ghal-gowlers tat-Todos.

It-tieni gurnata:

Trampi vs Tal-Werqa: 4-2

Din kienet l-ewwel darba li irnexxilna nghelbu lil dan it-tim! Loghba ekwilibrata sa l-ahhar, imma ergajn konna ahna li kelna l-aktar okkazjonijiet ta skor. B'hekk ir-rebha kienet meritata ghalkemm hafna mill-plejers taghna urew dizappunt fil-prestazjoni personali taghhom. Hi din ir-rebha li tista ittelghana targa ohra specjalment f'dak li hu moral.

Todos vs Fugazi 5: 6-2

Todos urew x'kapaci jghamlu meta ghollew rashom wara l-ewwel telfa u ghamlu loghba kbira kontra il-Fugazi 5. Loghba li kienet bla storja hekk kif wara ftit minuti Todos kienu diga zewg gowls minn fuq u fil-kontrol assolut tal-loghba. Prosit imur lit-tim tal-Fugazi li ma qatghux qalbhom u baqghu sa l-ahhar sekondi jiggieldu biex jiehdu xi haga mil-loghba.

It-tielet u l-ahhar gurnata:

Trampi vs Todos: 3-3

Hemm hu, l-ahhar punt li kelna bzonn biex nirbhu it-tournament!! Loghoba li uriet x'karattru ghandna ahna ta Trampi ghax minn 2-0 minn taht irnexxilna niksbu id-dro, nergghu immorru minn taht imma jerga jirnexxilna niksbu id-dro. Loghoba li kienet miftuha ghal kull rizultat skont jien, biz-zewg tims attenti fid-difiza u jipprovaw jinfdu lill-avversarji bil-kontrattakki. Mat-tisfira finali hassejt tferfir kbir ma gismi kollu. Ifhem, tara madwar 40 persuna li gew jarawk tilghab bicca tournament tinduna li qieghed tiehu sehem f'xi haga tant kbira li ma tistghax tesprimiha bil-kliem, ahna insejhula il-familja ta Trampi!! U min hawn (ghal darb'ohra) nixtieq f'isem it-tim kollu nirringrazzja lil dawk kollha li gew jissapportjawna, kien hemm minnhom li gew ghat-tlett loghbiet li huma!!! Grazzi mill-qalb l-ahwa J

Tal-Werqa vs Fugazi 5: 3-1

Loghoba li ma kien fadalla tghid xejn ghar-rebh tat-tournament, imma li iz-zewg tims riedu u ippruvaw jirbhu. Loghba fejn fis-settur difensiv it-tims urew li kienu sodi ta veru u gabu fix-xejn hafna attakki tal-avversarji.

Dan it-tournament, barra li kien siewi hafna ghal-preparazzjoni ghal stagun iehor (ghal-erba' tims li huma), wera il-progressi li irnexxilna nghamlu taht it-tmexxija tal-kowcis Renzo u Duncan. Ovvjament fadlilna hafna x'naqdfu u nitjiebu biex nilhqu l-ghan taghna dan l-istagun, imma hu car li l-ewwel passi taghna kienu kollha fid-direzzjoni it-tajba. Issa irridu inkomplu nahdmu bis-shih biex inkomplu miexjin f'din it-triq!!



Fl-ahhar nixtieq nawgura lil uhud mill-hbieb taghna. Nibda billi f'isem kull min qieghed fil-familja ta Trampi nawgura hajja twila u felici flimkien lil Mark Busuttil u Yanicka Fava li se jinghaqdu fis-sagrament taz-zwieg. J'Alla tkunu imberkin b'hafna tfal :p Ma nistghax ninsa ukoll lil sapporter kbir iehor taghna Andrew Camilleri li sejjer jistudja barra minn Malta ghal sena, awguri lilek ukoll siehbi!!

Ippermettuli pero nghalaq billi insemmi lil Joseph Gilson li ghamel l-ahhar parti ta l-istagun li ghadda jitrenja maghna. L-ewwel nett, f'isem it-tim kollu ta AC Trampi, nghidlek l-ghomor habib tat-telfa li kellek fil-familja. Min hawn ahna ilkoll nixtiequ nawguraw lilek ukoll ghal din l-esperjenza il-gdida li issa dhalt fiha barra minn Malta int ukoll.

Dak kollox ghal-lum, bhas-soltu

FORZA TRAMPI
il-CaPiTaNo